Arratzaindik Aginagara bueltaxka eginez…

A15Usurbilgo Noaua! Kultur Elkarteak “Noaua! Kulturaldia” ekimenaren baitan, Usurbilgo ondareak ezagutzeko ibilaldia antolatu zuen; Arratzain eta Aginagako ondarea ezagutzeko aukera hain zuzen ere. Jakoba Errekondo paisajista usurbildarri entzuteko aukera izan zuten txangoan parte hartu zuten 60 inguru herritarrek. Eguraldia lagun, ibilaldi atsegina eta gustokoa izan zen…  Mila esker Jakoba Errekondori, Noaua! Kultur Elkarteari eta ibilaldian parte hartu zuten guztiei.

[youtube:https://www.youtube.com/watch?v=3ctowsbD7nA%5D

Uncategorized atalean publikatua | Iruzkin bat utzi

Bertakoa. Sidra MAI-ONA

Maiona1MODO museora nola iritsi naizen azaltzea luze jo lezake eta ziur ez dela zuen interesekoa. Han topatukoak ordea arreta merezi du: luzean bezain bat motzean. Museoko fitxak honela dio País: Desconocido. Gaitz erdi. ESPAÑA jar zitekeen. MAI-ONA herriko enpresa haundiena 60. hamarkadan (50 langiletik gora).  Herriko ondareak, gurean ez duen oihartzuna du atzerrian. Txaparen jatorria azaldu aurretik norbaitek ba al du zer esan edo erakustekorik? GORA MEXIKO LINDO! Txaparen bat argazki bat ateratzeko? Eta narajina botila bat? Gattunk…

www.elmodo.mx

Uncategorized atalean publikatua | Iruzkin bat utzi

Urdaira, sagardoarekin bertsotan

Urtero bezala, aurtengo Santixabel jaietan bertso saio bikaina izan genuen herriko frontoian. Bertan izan genituen Andoni Egaña, Amets Arzallus, Miren Amuriza, Etxahun Lekue, Asier Azpiroz eta Unai Gaztelumendi. Gai-jartzailea: Unai Elizasu. Bertso saioaren amaieran  2014ko Santixabeletako Bertsopaper Lehiaketaren lehen hiru irabazleen berri eman zen. Hirugarren sailkatua Iñaki Agirresarobe, bigarrena Beñat Larrañaga eta lehen postuan Antton Aranburu.

Antton Aranburuk idatzitako hamar bertsoak sagardoaren ingurukoak izan ziren, Urdaira, sagardoarekin bertsotan izenburupean. Jarraian Anttonek bertso saioan bertan bertsoak abestu zitueneko unea eta bertsoak idatzita.

Bideoan zarata entzuten da, jaietan eta frontoi inguruan erabateko ixiltasuna lortzea lan zaila ezta? Belarrietako kaskoekin entzutea gomendagarria…

[youtube:http://www.youtube.com/watch?v=SRFELseMdcY%5D

Maquetaci—n 1

 

 

Uncategorized atalean publikatua | Iruzkin bat utzi

Bost urte zero zabor bidean

Bloga4UZZHondakinak etxez etxe eta gaika biltzeko, gai guztiak modu bereizian bildu eta kudeatzen dituen sistema lehen aldiz Gipuzkoan 2009ko martxoaren 16an hasi zen, Usurbilen hain zuzen. Usurbil Euskal Herriko lehen herria izan zen gaikako bilketarako sistema ezartzen. Dagoenenko bost urte pasa dira eta zero zabor bidean pauso handiak eman ditu Usurbilek.

Gipuzkoan abiarazitako atez ateko sistema 2002 urtean agintari politikoek (EAJ-PNV, PSOE, PP) San Marko zabortegiaren itxieraren ondoren iragarritako erraustegiaren erreakzio moduan etorri zen bereziki. Erraustegia Zubietan jartzea erabaki zuten orduko agintariek, horren aurkako gizarte-mugimendu zabala izan arren.

Atez ateko bilketak eztabaida politiko bizia sortu zuen eta mantentzen da, batez ere Gipuzkoan. San Marko zabortegiaren itxierak zaborrak isurtzeko arazo larria ekarri zuen eta erakunde eta alderdi politiko zenbaitek Zubietako lurretan kokatu beharreko zaborren erraustegi baterako plana eta proiektua eratu zuten ondorioz. Alternatiba gisa eta hondakinen bilketa eta kudeaketa eredua aldatzeko, errausketa eta zabortegi primarioak baztertuz, tratamendua nagusiki birziklapenean oinarritutzeko xedez, abiarazi zen atez ateko hondakin bilketa sistema.

[youtube:https://www.youtube.com/watch?v=-FAiszcrTqU%5D

Usurbil Zero Zabor 

Herrian Zero Zabor norabidean politika berriak aplikatu daitezen saiatzea, herritarren artean hondakinekiko ardura indartu, atez ateko bilketa hobetu, murrizketa eta berrerabilpen ekintzak bultzatu, Gipuzkoa Zero Zaborrekin elkarlanean jardun, edota errausketa zein erraustegiaren inguruko lobby-en interesen aurka borrokatzea. Horiek izan ziren  Usurbil Zero Zabor (UZZ) taldeak bere hastepenean jarri zituen lan ildo nagusiak.

[youtube:https://www.youtube.com/watch?v=mgr8KFoRbVc%5D

Taldearen aurkezpenean hauxe adierazi zuten “DUDIPE bilgunea UZZ-n bilakatzeak, Gipuzkoa Zero Zabor mugimenduaren inguruan geroz eta herri gehiagotan sortzen ari diren ZZ taldeekin sintonian aritzeko beharrari erantzuten dio”.

Pauso berri hau ematea ibilbide luze baten emaitza izan zen; erraustegiaren aurkako mugimenduan jaio zena, geroago alternatibak landu eta atez ateko bilketa martxan jartzera igaro eta ondoren burutu zen herri galdeketaren testuinguruan, ATEZ ATE DUDIPE bilguneak jarraipena eman ziona. Gerora, DUDIPE bilgunean balantzea egiteko egindako batzarrean, fase horren bukaera baieztatu zuten. Hondakinen inguruan lanean ziharduten beste taldeekin harremanetan jarri eta sortu zen aurretik, Gipuzkoa Zero Zabor mugimendua. Eta horri lotuta aurkeztu zuten, alor honetan aurrerantzean lanean jardungo zuen herriko taldea; Usurbil Zero Zabor.

AGBN copia

Usurbildarren konpromisoa

Bost urte hauetan ekimen ugari egin dira herrian. Zerrenda luzea da, bai horixe! Eta usurbildarren konpromisoa handia izan dela ezin da zalantzan jarri. Hona zenbait irudi…

This slideshow requires JavaScript.

Irudimena

Euskaldunok irudimena dugula diogunean egia delako esaten dugu. Atez atekoaren eta erraustegiaren gaiak zer esana eman du bost urte hauetan. Herritarrak irudimenez beterik, han eta hemen marrazkiak, kartelak, abestiak, bertsoak,… plazaratu dituzte lau haizetara:

This slideshow requires JavaScript.

Ondo ari gara!

Ibilbide luzea izan da. Hitzaldiak, eztabaidak, gezurrak, zentsurak, kezkak, ardurak, haserreak, pozak, jaiak,… ugariak izan dira baina zero zabor bidean lanean ekin genuenean garbi genuen zein zen elburua: guztion osasunaren eta ingurumenaren aldeko apustua egitea. Ondo egin dugu eta ondo ari gara, dudipe!

[youtube:https://www.youtube.com/watch?v=BpJBhZCS7YE%5D [youtube:https://www.youtube.com/watch?v=PINxQXJMt6w%5D [youtube:https://www.youtube.com/watch?v=QufIepfQZ3Q%5D

a

Gune interesgarriak

 

 

Uncategorized atalean publikatua | Iruzkin bat utzi

L’arcusgiren doinuen artean…

Usurbil-Korsika22010. urtean etorri zen lehen aldiz Korsikako L’arcusgi musika taldea eta berriz ere gure artean izan da, pasa den asteburuan hain zuzen ere. Oraingoan ere usurbildarrok ez dugu huts egin eta gertutik kortsikako doinu eta ahotsez gozatzeko aukera izan dugu. Usurbilgo Kantu taldeak bost urte bete ditu eta Euskal Herria-Korsika topaketa antolatu zuen pasa den asteburuan, Ipar-Hegoaren laguntzarekin eta Usurbilgo Udalaren babesarekin.M14

Lehen egunean Joseba Albarezek (Sortuko Donostiako bozeramailea eta Batasunako harremanetarako arduradun ohia) “Korsika. Gaur egungo egoera politikoa, soziala eta kultura” hitzaldia eskaini zuen. Eta bigarren egunean L’arcusgiren kantu eta sagardotegi giroaz  gozatzeko aukera izan genuen.
JA

L’arcusgi korsikar musika talde polifonikoa Bastiako eskualdean jaio zen 1984. urtean. Soinu eta ahozko talde bat da, 5 musikari eta 9 kanatariez osatua (kopuru hau aldakorra izan da urteen arabera). Korsikar hizkuntza eta kulturareen alde lanean dihardu taldeak eta aldi berean askatasunaren alde zapalduak diren herriekiko elkartasuna adierazten dute. Taldea bereziki Euskal Herrirarekin hurbil sentitzen da eta beraiek adierazita oso gustora etortzen dira kantatzera. Horren adibide bere kantutegi bilduman, euskal kantuak abesten dituzte, kantaldi bakoitzean interpretatuz. 

Noaua 567Klik: Noaua! 567. zenbakia

Hona Sutegin egindako saioaren hainbat kantu:

[youtube:https://www.youtube.com/watch?v=nmxNPcidC-0%5D [youtube:https://www.youtube.com/watch?v=rrucnxa6At8%5D [youtube:https://www.youtube.com/watch?v=tHkZo18zFZY%5D

a

Sagardoa, dantza, euskal eta korsikar kantuak, irrintziak, txaranga,…

Usurbil-Korsika1Kantu emanaldiaren ondoren, Iruin (Zubieta) sagardotegian kantu afariarekin jarraitu genuen. L’arcusgiko lagunen ahotsekin eta Iparraldeko Kuxkuxtu txarangarekin sagardotegiko kupel artean ez zen girorik falta.

[youtube:https://www.youtube.com/watch?v=2u7NQ35tss8%5D

Uncategorized atalean publikatua | Iruzkin bat utzi

Azken egun hauetan Orioko Antilla hondartzan aspertzeko denborarik ez

Euskal Herriko kostan olatu zakarrak eta haize ufada handiak izan dira, batez ere azken egun hauetan. Beste gairik ez da egon komunikabideetan baina egian esan behar bada, plazer bat izan da hondartza eta kosta inguruko irudiak ikustea. Itsasoa zakar eta ilargia lagun, marea oso biziak izan dira eta gizakiak jarritako mugak erraz gainditu ditu itsasoak kostaldeko herrietan.

Atzo iluntzean (20:00ak inguruan) hartutako irudiak dituzue ondokoak, Antilla hondartzan. Marea goraka, olatuek geroz eta indar handiagoarekin hondartza nola estali zuten ikusi dezakegu.

This slideshow requires JavaScript.

[youtube:http://www.youtube.com/watch?v=V-TELSISBIM%5D

Astelehen iluntzean bixitari paregabea: itsas-foka

Astelehen iluntzean (19:30ak inguruan) Orioko Antilla hondartzen itsas-foka bat ikusteko aukera izan genuen. Getarian, Pasaian eta Hondarribian urtero agertzen omen dira foka hauek, ontziak itsasoratzeko aldaparen batean atseden hartzen. Horixe bera pasa zitzaion astelehenean foka honi, hegoalderako bidean galdu eta Orioko hondartzara sartu zenean, itsasoak bultzata, atseden bila.

Karkara aldizkariak fokaren berri eman du. Bertan aipatzen denez, neguarekin Bretainia inguruko kolonietatik hegoaldera jotzen dute itsas-fokek, gurasoengandik banandu eta bakarkako bideari ekinez, tenperatura eta baldintza egokien bila. Bizkaiko golkoan geratzen dira horietako batzuk. Honainoko bidea, ordea, luzea, zaila eta neketsua da eta aurreikusitakoa baino bidaia luzeagoa izan daiteke itsas animalia horientzat. Bakar-bakarrik egiten duten gainera, handik honainoko igeriketa saioa.

Itsas Enara Ornitologia elkarteko Hector Gonzalez: Animalia basatiak dira fokak; lotsatiak eta bakezaleak, baina basatiak. Horrenbestez, beren burua arriskuan ikusten badute, gehiegi hurbiltzen denari hozka egiten diote, defentsa gisa. Hortzeria indartsua dute, arrainak harrapatzen ohitura daudelako eta oso mingarria izaten da fokaren hozkada.

Itsas faunaren ikerketa eta babeserako Ambar elkarteko kide Aitor Leiza zumaiarra bertan izan zen, fokari argazkiak atera eta haren osasun egoera aztertzen. Karkarak elkarrizketa egin dio: www.karkara.com

Uncategorized atalean publikatua | Iruzkin bat utzi

15. Erle Eguna Usurbilen

2013-11-24 12.10.54Erle Lagunak elkarteak antolatuta, 15. Erle Eguna ospatu da azaroaren 24 honetan Usurbilen. Goizetik ezti eta gozogintza bilketarekin hasi da ospakizuna eta 11:00etatik 14:00etara erle, argizari, panelei… buruzko erakusketak, postuetako salmentak eta marrazki, ezti eta gozogintzako lehiaketak egon dira.

This slideshow requires JavaScript.

Ezti ekoizleentzat urteko egun garrantzitsuenetakoa da Usurbilgo Erle Eguna. Jatorri ezberdineko ezti-egileak batzen dira egun honetan. Ezti eta gozogintzako epaimahaiak eguerdiko 13:30ean eman dituzte sarituen izenak ezagutzera. Salbatore elizatik jaitsi den panpinezko erle dotore batek ekarri ditu ezti lehiaketako irabazleentzako txapelak:

  • Ezti argia: Lehen saria Joan Mari Arabaolaza oiartzuarra eta bigarren saria Olga Sanchez errezildarra.
  • Mila loreko eztia: Lehen saria Imanol Aizkorreta oreretarra eta bigarren saria Markos Pagola hernaniarra.
  • Ezti iluna: Lehen saria Markos Pagola hernaniarra eta bigarren saria Ramon Yeregi.

Eztiarekin egindako postre onenak ere saritu dira Erle Egunean. Lehen sarituak Eider Jauregi eta Kattalin izan dira; bigarren saria Inazio Egañarentzat izan da.

Zorionak denei!

[youtube:http://www.youtube.com/watch?v=5K5bGgFhdrc&feature=youtu.be%5D

Uncategorized atalean publikatua | Iruzkin bat utzi